【學藝- 竹蒸籠(二)】「竹的彈力有幾勁?」

第四堂，開始做竹籠！(4寸半)
蒸籠最外層的竹蔑4cm寛，長度一定要準，如果長度不一，做出黎的籠就不能一層蓋一層啦。雙手捉緊兩端，然後反手一屈，用力用左手捉實，右手用「竹夾」夾住(竹夾製作下次講)，加埋個鐵圈。

然後鑽2個窿，上下割一刀，穿銅線，線頭藏入竹蔑重疊之間。上下的割口藏入銅線，避免銅線外露磨損。
唔一定用銅線，也可以用「藤」。

然後就是彈竹～這部份特別有趣
第二堂盼師傅第一次示範時，彈竹屈到裂開左，我地同學「哎呀～」左一聲，師傅無理到，照用～～我一直以為師傅失手，直到…..今日我才知道這個係一大技巧！彈竹的長度比度量時加多3MM，屈入去圓形的外皮時，你會發現好難入，所以師傅刻意會雙手推彎竹蔑，再讓竹蔑「彈」番入黎，這樣做，竹蔑就充份撐開外層，這個張力亦令竹籠咁圓咁實淨。

如是這，做4層「彈竹」。

然後安上最入一層，和外層做法一樣。不過記後銅線口向番外面。
放入編制好的竹底。在底部做2層「彈竹」。
 最後，打竹釘～先鑽上４＋下４個窿（或５＋５個），用剪鉗剪成釘，打入Ｄ窿度，用鎚仔揼平釘的尖，揼到開花咁！點解唔用鐵釘？因為鐵釘唔伸縮，用得耐會鬆，而竹釘遇水用脹大，緊緊扣入竹之間！